تصوير و مصور

تصوير

کہا تصوير نے تصوير گر سے
نمائش ہے مري تيرے ہنر سے
وليکن کس قدر نا منصفي ہے
کہ تو پوشيدہ ہو ميري نظر سے!


مصور

گراں ہے چشم بينا ديدہ ور پر
جہاں بيني سے کيا گزري شرر پر!
نظر ، درد و غم و سوز و تب و تاب
تو اے ناداں، قناعت کر خبر پر


تصوير

خبر، عقل و خرد کي ناتواني
نظر، دل کي حيات جاوداني
نہيں ہے اس زمانے کي تگ و تاز
سزاوار حديث 'لن تراني'


مصور

تو ہے ميرے کمالات ہنر سے
نہ ہو نوميد اپنے نقش گر سے
مرے ديدار کي ہے اک يہي شرط
کہ تو پنہاں نہ ہو اپني نظر سے

------------

Transliteration

 Tasveer

 Kaha Tasveer Ne Tasweer Gar Se

 Numaish Hai Meri Tere Hunar Se

 Ke Tu Poshida Ho Meri Nazar Se!

 Garan Hai Chasm-E-Bina Didah Wer Par

 Jahan Beeni Se Kya Guzri Sharar Par!

Khabar, Aqal-o-Kirad Ki Natawani

 Nazar, Dil Ki Hayat Javedani

Nahin Hai Iss Zamane Ki Tag-o-Taaz

 Sazawar-e-Hadees-e-'Lan Tarani'

 Musawwar

Na Ho Naumeed Apne Naqsh Gar Se

Mere Didar Ki Hai Ek Yehi Sharat

Ke Tu Pinhan Na Ho Apni Nazar Se