اسرار خودی - شرح - International Iqbal Society - Allama Iqbal

noman.bokhari@iqbalsociety.org (Noman Bokhari)

حصہ اول - غزلیات

noman.bokhari@iqbalsociety.org (Noman Bokhari)

سختياں کرتا ہوں دل پر ، غير سے غافل ہوں ميں

ہائے کيا اچھی کہی ظالم ہوں ميں ، جاہل ہوں ميں

ميں جبھی تک تھا کہ تيری جلوہ پيرائی نہ تھی

جو نمود حق سے مٹ جاتا ہے وہ باطل ہوں ميں

علم کے دريا سے نکلے غوطہ زن گوہر بدست

وائے محرومی! خزف چين لب ساحل ہوں ميں

ہے مری ذلت ہی کچھ ميری شرافت کی دليل

جس کی غفلت کو ملک روتے ہيں وہ غافل ہوں ميں

بزم ہستی! اپنی آرائش پہ تو نازاں نہ ہو

تو تو اک تصوير ہے محفل کی اور محفل ہوں ميں

ڈھونڈتا پھرتا ہوں اے اقبال اپنے آپ کو

آپ ہی گويا مسافر ، آپ ہی منزل ہوں ميں

------------

Sakhtiyan Karta Hun Dil Par, Ghair Se Ghafil Hun Main
Haye Kya Achi Kehi Zalim Hun Main, Jahil Hun Main

Main Jabhi Tak Tha Ke Teri Jalwa Pairayi Na Thi
Jo Namood-e-Haq Se Mit Jata Hai Woh Batil Hun Main

Ilm Ke Darya Se Nikle Ghota Zan Gohar Badast
Waye Mehroomi! Khazaf Chain-e-Lab Sahil Hun Main

Hai Meri Dillat Hi Kuch Meri Sharafat Ki Daleel
Jis Ki Ghaflat Ko Malak Rote Hain Woh Ghafil Hun Mein

Bazm-e-Hasti ! Apni Araaish Pe Tu Nazaan Na Ho
Tu To Ek Tasveer Hai Mehfil Ki Aur Mehfil Hun Main

Dhoonta Phirta Hun Ae Iqbal Apne App Ko
App Hi Goya Musafir, App Hi Manzil Hun Mein

noman.bokhari@iqbalsociety.org (Noman Bokhari)

کشادہ دست کرم جب وہ بے نياز کرے

نياز مند نہ کيوں عاجزی پہ ناز کرے

بٹھا کے عرش پہ رکھا ہے تو نے اے واعظ

خدا وہ کيا ہے جو بندوں سے احتراز کرے

مری نگاہ ميں وہ رند ہی نہيں ساقی

جو ہوشياری و مستی ميں امتياز کرے

مدام گوش بہ دل رہ ، يہ ساز ہے ايسا

جو ہو شکستہ تو پيدا نوائے راز کرے

کوئی يہ پوچھے کہ واعظ کا کيا بگڑتا ہے

جو بے عمل پہ بھی رحمت وہ بے نياز کرے

سخن ميں سوز ، الہی کہاں سے آتا ہے

يہ چيز وہ ہے کہ پتھر کو بھی گداز کرے

تميز لالہ و گل سے ہے نالۂ بلبل

جہاں ميں وا نہ کوئی چشم امتياز کرے

غرور زہد نے سکھلا ديا ہے واعظ کو

کہ بندگان خدا پر زباں دراز کرے

ہوا ہو ايسی کہ ہندوستاں سے اے اقبال

اڑا کے مجھ کو غبار رہ حجاز کرے

----------------

TRansliteration

Kushada Dast-e-Karam Jab Woh Be-Niaz Kare
Niazmand Na Kyun Ajazi Pe Naaz Kare

Bitha Ke Arsh Pe Rakha Hai Tu Ne Ae Waaiz!
Khuda Woh Kya Hai Jo Bandon Se Ehtraz Kare

Meri Nigah Mein Woh Rind Hi Nahin Saqi
Jo Hoshiyari-o-Masti Mein Imtiaz Kare

Madaam Gosh Ba Dil Reh, Ye Saaz Hai Aesa
Jo Ho Shikasta To Paida Nawa-e-Raaz Kare

Koi Ye Puche Ke Waaiz Ka Kya Bigarta Hai
Jo Be-Amal Pe Bhi Rehmat Woh Be-Niaz Kare

Sukhan Mein Souz, Elahi Kahan Se Ata Ha
Ye Cheez Woh Hai Ke Pathar Ko Bhi Gudaz Kare

Tameez-e-Lala-o-Gul Se Hai Nala-e-Bulbul
Jahan Mein Wa Na Koi Chashm-e-Imtiaz Kare

Ghuroor-e-Zuhd Ne Shikhla Diya Hai Waaiz Ko
Ke Bandgan-e-Khuda Par Zuban Daraz Kare

Hawa Ho Aesi Ke Hindustan Se Ae Iqbal
Ura Ke Mujh Ko Ghubar-e-Rah-e-Hijaz Kare

noman.bokhari@iqbalsociety.org (Noman Bokhari)

ترے عشق کی انتہا چاہتا ہوں

مری سادگی ديکھ کيا چاہتا ہوں

ستم ہو کہ ہو وعدہِ بے حِجابی

کوئی بات صبر آزما چاہتا ہوں

يہ جنت مبارک رہے زاہدوں کو

کہ ميں آپ کا سامنا چاہتا ہوں

ذرا سا تو دل ہوں ، مگر شوخ اتنا

وہی لن ترانی سُنا چاہتا ہوں

کوئی دم کا مہماں ہوں اے اہلِ محفل

چراغِ سحر ہوں ، بُجھا چاہتا ہوں

بھری بزم ميں راز کی بات کہہ دی

بڑا بے ادب ہوں ، سزا چاہتا ہوں

ستم: ظلم _ بے حِجابی: کھل کر سامنے آنا _ صبر آزما: جس سے قوت برداشت پرکھی جائے _ زاہدوں: عبادت گزاروں _ لن ترانی: تو نہیں دیکھ سکتا، طور پر حضرت موسیٰ کی درخواست پر خدا کا جواب _ کوئی دم کا مہماں: مراد فنی انسان _ اہلِ محفل: دنیا والے _ چراغِ سحر: صبح سویرے کا چراغ جسے کسی بھی وقت بجھایا جا سکتا ہو _ بھری بزم: بھری محفل _ بے ادب: گستاخ

Transliteration

Tere Ishq Ki Intiha Chahta Hun
Meri Sadgi Dekh Kya Chahta Hun

Sitam Ho Ke Ho Wada-e-Be-Hijabi
Koi Baat Sabr Azma Chahta Hun

Ye Jannat Mubarik Rahe Zahidon Ko
Ke Mein Ap Ka Samna Chahta Hun

Zara Sa To Dil Hun Magar Shaukh Itna
Wohi Lan-Tarani Suna Chahta Hun

Koi Dam Ka Mehman Hun Ae Ahl-e-Mehfil
Charagh-e-Sehar Hun, Bujha Chahta Hun

Bhari Bazm Mein Raaz Ki Baat Keh Di
Bara Be-Adab Hun, Saza Chahta Hun

noman.bokhari@iqbalsociety.org (Noman Bokhari)

جنھيں ميں ڈھونڈتا تھا آسمانوں ميں زمينوں ميں

وہ نکلے ميرے ظلمت خانہ دل کے مکينوں ميں

حقيقت اپنی آنکھوں پر نماياں جب ہوئی اپنی

مکاں نکلا ہمارے خانہ دل کے مکينوں ميں

اگر کچھ آشنا ہوتا مذاق جبہہ سائی سے

تو سنگ آستاں کعبہ جا ملتا جبينوں ميں

کبھی اپنا بھی نظارہ کيا ہے تو نے اے مجنوں

کہ ليلی کی طرح تو خود بھی ہے محمل نشينوں ميں

مہينے وصل کے گھڑيوں کی صورت اڑتے جاتے ہيں

مگر گھڑياں جدائی کی گزرتی ہيں مہينوں ميں

مجھے روکے گا تو اے ناخدا کيا غرق ہونے سے

کہ جن کو ڈوبنا ہو ، ڈوب جاتے ہيں سفينوں ميں

چھپايا حسن کو اپنے کليم اللہ سے جس نے

وہی ناز آفريں ہے جلوہ پيرا نازنينوں ميں

جلا سکتی ہے شمع کشتہ کو موج نفس ان کی

الہی! کيا چھپا ہوتا ہے اہل دل کے سينوں ميں

تمنا درد دل کی ہو تو کر خدمت فقيروں کی

نہيں ملتا يہ گوہر بادشاہوں کے خزينوں ميں

نہ پوچھ ان خرقہ پوشوں کی ، ارادت ہو تو ديکھ ان کو

يد بيضا ليے بيٹھے ہيں اپنی آستينوں ميں

ترستی ہے نگاہ نا رسا جس کے نظارے کو

وہ رونق انجمن کی ہے انھی خلوت گزينوں ميں

کسی ايسے شرر سے پھونک اپنے خرمن دل کو

کہ خورشيد قيامت بھی ہو تيرے خوشہ چينوں ميں

محبت کے ليے دل ڈھونڈ کوئی ٹوٹنے والا

يہ وہ مے ہے جسے رکھتے ہيں نازک آبگينوں ميں

سراپا حسن بن جاتا ہے جس کے حسن کا عاشق

بھلا اے دل حسيں ايسا بھی ہے کوئی حسينوں ميں

پھڑک اٹھا کوئی تيری ادائے 'ما عرفنا' پر

ترا رتبہ رہا بڑھ چڑھ کے سب ناز آفرينوں ميں

نماياں ہو کے دکھلا دے کبھی ان کو جمال اپنا

بہت مدت سے چرچے ہيں ترے باريک بينوں ميں

خموش اے دل! ، بھری محفل ميں چلانا نہيں اچھا

ادب پہلا قرينہ ہے محبت کے قرينوں ميں

برا سمجھوں انھيں مجھ سے تو ايسا ہو نہيں سکتا

کہ ميں خود بھی تو ہوں اقبال اپنے نکتہ چينوں ميں

-----------------

Transliteration

inhain Mein Dhondta Tha Asmanon Mein Zameenon Mein
Woh Nikle Mere Zulmat Khana-e-Dil Ke Makeenon Mein
Haqiqat Apni Ankhon Par Namayan Jab Huwi Apni
Makan Nikla Humare Khana-e-Dil Ke Makeenon Mein

Agar Kuch Ashana Hota Mazaq-e-Jaba-Sayi Se
To Sang-e-Astan-e-Kaaba Ja Milta Jabeenon Mein

Kabhi Apna Bhi Nazara Kiya Hai Tu Ne Ae Majnoon
Ke Laila Ki Tarah Tu Bhi Hai Mehmil Nasheenon Mein

Mahine Wasl Ke Ghariyon Ki Soorat Urte Jate Hain
Magar Ghariyan Judai Ki Guzerti Hain Mahinon Mein

Mujhe Roke Ga Tu Ae Na-Khuda Kya Gharaq Hone Se
Ke Jin Ko Doobna Ho, Doob Jate Hain Safeenon Mein

Chupaya Husn Ko Apne Kaleem-Ullah Se Jis Ne
Wohi Naz Afreen Hai Jalwa Pera Naaz Neenon Mein

Jala Sakti Hai Shama-e-Kushta Ko Mouj-e-Nafas In Ki
Elahi! Kya Chupa Hota Hai Ahl-e-Dil Ke Seenon Mein

Tamanna Dard-e-Dil Ki Ho To Kar Khidmat Faqeeron Ki
Nahin Milta Ye Gohar Badshahon Ke Khazeenon Mein

Na Puch In Kharqa Poshon Ki, Iradat Ho To Dekh In Ko
Yad-e-Baiza Liye Baithe Hain Apni Asteenon Mein

Tarasti Hai Nigah-e-Narsa Jis Ke Nazare Ko
Woh Ronaq Anjuman Ki Hai Inhi Khalwat Guzinon Mein

Kisi Aese Sharar Se Phoonk Apne Kharman-e-Dil Ko
Ke Khursheed-e-Qayamat Bhi Ho Tere Khosha Cheenon Mein
Mohabbat Ke Liye Dil Dhoond Koi Tootne Wala
Ye Woh Mai Hai Jise Rakhte Hain Nazuk Abgeenon Mein

Sarapa Husn Ban Jata Hai Jis Ke Husn Ka Ashiq
Bhala Ae Dil Haseen Aesa Bhi Hai Koi Haseenon Mein

Pharak Utha Koi Teri Adaye ‘MA ARAFNA’ Par
Tera Rutba Raha Barh Charh Ke Sub Naaz Afreenon Mein

Namayan Ho Ke Dikhla De Kabhi In Ko Jamal Apna
Bohat Muddat Se Cherche Hain Tere Bareek Beenon Mein

Khamosh Ae Dil! Bhari Mehfil Mein Chillana Nahin Acha
Adab Pehla Qareena Hai Mohabbat Ke Qareenon Mein

Bura Samajhun Inhain, Mujh Se To Aesa Ho Nahin Sakta
Ke Main Khud Bhi To Hun Iqbal Apne Nukta Cheenon Mein

noman.bokhari@iqbalsociety.org (Noman Bokhari)

کہوں کيا آرزوئے بے دلی مجھ کو کہاں تک ہے

مرے بازار کی رونق ہی سودائے زياں تک ہے

وہ مے کش ہوں فروغ مے سے خود گلزار بن جاؤں

ہوائے گل فراق ساقی نامہرباں تک ہے

چمن افروز ہے صياد ميری خوشنوائی تک

رہی بجلی کی بے تابی ، سو ميرے آشياں تک ہے

وہ مشت خاک ہوں ، فيض پريشانی سے صحرا ہوں

نہ پوچھو ميری وسعت کی ، زميں سے آ سماں تک ہے

جرس ہوں ، نالہ خوابيدہ ہے ميرے ہر رگ و پے ميں

يہ خاموشی مری وقت رحيل کارواں تک ہے

سکون دل سے سامان کشود کار پيدا کر

کہ عقدہ خاطر گرداب کا آب رواں تک ہے

چمن زار محبت ميں خموشی موت ہے بلبل!

يہاں کی زندگی پابندی رسم فغاں تک ہے

جوانی ہے تو ذوق ديد بھی ، لطف تمنا بھی

ہمارے گھر کی آبادی قيام ميہماں تک ہے

زمانے بھر ميں رسوا ہوں مگر اے وائے نادانی

سمجھتا ہوں کہ ميرا عشق ميرے رازداں تک ہے

--------------

Transliteration

Kahun Kya Arzu-e-Be-Dili Mujh Ko Kahan Tak Hai
Mere Bazar Ki Ronaq Hi Soda-e-Zayan Tak Hai

Woh Mai Kash Hun Farogh-e-Mai Se Khud Gulzar Ban Jaun
Hawaye Gul Faraq-e-Saqi-e-Na-Mehrban Tak Hai

Chaman Afroz Hai Sayyad Meri Khush Nawayi Tak
Rhi Bijli Ki Be-Tabi, Sou Mere Ashiyan Tak Hai

Woh Musht-e-Khak Hun, Faiz-e-Preshani Se Sehra Hun
Na Pucho Meri Wusaat Ki, Zameen Se Asman Tak Hai

Jaras Hun, Nala Khawabida Hai Mere Har Rag-o-Pe Mein
Ye Khamoshi Meri Waqt-e-Raheel-e-Karwan Tak Hai

Sukoon-e-Dil Se Saman-e-Kashod-e-Kaar Paida Ker
Ke Uqdah Khatir-e-Gardab Ka Aab-e-Rawan Tak Hai

Chaman Zaar-e-Mohabat Mein Khamoshi Mout Hai Bulbul!
Yahan Ki Zindagi Pabandi-e-Rasm-e-Faghan Tak Hai

Jawani Hai To Zauq-e-Deed Bhi, Lutf-e-Tamanna Bhi
Humare Ghar Ki Abadi Qaam-e-Mehman Tak Hai

Zamane Bhar Men Ruswa Hun Magar Ae Waye Nadani!
Samajhta Hun K E Mera Ishq Mere Raazdan Tak Hai

noman.bokhari@iqbalsociety.org (Noman Bokhari)

ظاہرکی آنکھ سے نہ تماشا کرے کوئی

ہوديکھنا تو ديدۂ دل وا کرے کوئی

منصورکو ہوا لب گويا پيام موت

ابکيا کسی کے عشق کا دعوی کرے کوئی

ہوديد کا جو شوق تو آنکھوں کو بند کر

ہےديکھنا يہی کہ نہ ديکھا کرے کوئی

ميںانتہائے عشق ہوں ، تو انتہائے حسن

ديکھےمجھے کہ تجھ کو تماشا کرے کوئی

عذرآفرين جرم محبت ہے حسن دوست

محشرميں عذر تازہ نہ پيدا کرے کوئی

چھپتینہيں ہے يہ نگہ شوق ہم نشيں!

پھراور کس طرح انھيں ديکھا کر ے کوئی

اڑبيٹھے کيا سمجھ کے بھلا طور پر کليم

طاقتہو ديد کی تو تقاضا کرے کوئی

نظارےکو يہ جنبش مژگاں بھی بار ہے

نرگسکی آنکھ سے تجھے ديکھا کرے کوئی

کھلجائيں ، کيا مزے ہيں تمنائے شوق ميں

دوچار دن جو ميری تمنا کرے کوئی

--------------

Transliteration

Zahir Ki Ankh Se Na Tamasha Kare Koi
Ho Dekhna To Didah-e-Dil Wa Kare Koi

Mansoor Ko Huwa Lab-e-Goya Payam-e-Mout
Ab Kya Kisi Ke Ishq Ka Dawa Kare Koi

Ho Deed Ka Jo Shauq To Ankhon Ko Band Kar
Hai Dekhna Yehi Ke Na Dekha Kare Koi

Main Intihaye Ishq Hun, Tu Intihaye Husn
Dekhe Mujhe Ke Tujh Ko Tamasha Kare Koi

Uzr Afreen-e-Jurm- Hai Husn-e-Dost
Mehshar Mein Uzr Taza Na Paida Kare Koi

Chupti Nahin Hai Ye Nigah-e-Shauq Hum-Nasheen
Phir Aur Kis Tarah Unhain Dekha Kare Koi

Arh Baithe Kya Samajh Ke Bhala Toor Par Kaleem
Taqqat Ho Deed Ki To Taqaza Kare Koi

Nazare Ko Ye Junbish-e-Mazgan Bhi Bar Hai
Nargis Ki Ankh Se Tujhe Dekha Kare Koi

Khul Jaen, Kya Maze Hain Tamanaye Shauq Mein
Do Char Din Jo Meri Tamanna Kare Koi

noman.bokhari@iqbalsociety.org (Noman Bokhari)

انوکھی وضع ہے ، سارے زمانے سے نرالے ہيں

يہ عاشق کون سی بستی کے يا رب رہنے والے ہيں

علاج درد ميں بھی درد کی لذت پہ مرتا ہوں

جو تھے چھالوں ميں کانٹے ، نوک سوزن سے نکالے ہيں

پھلا پھولا رہے يا رب! چمن ميری اميدوں کا

جگر کا خون دے دے کر يہ بوٹے ميں نے پالے ہيں

رلاتی ہے مجھے راتوں کو خاموشی ستاروں کی

نرالا عشق ہے ميرا ، نرالے ميرے نالے ہيں

نہ پوچھو مجھ سے لذت خانماں برباد رہنے کی

نشيمن سينکڑوں ميں نے بنا کر پھونک ڈالے ہيں

نہيں بيگانگی اچھی رفيق راہ منزل سے

ٹھہر جا اے شرر ، ہم بھی تو آخر مٹنے والے ہيں

اميد حور نے سب کچھ سکھا رکھا ہے واعظ کو

يہ حضرت ديکھنے ميں سيدھے سادے ، بھولے بھالے ہيں

مرے اشعار اے اقبال کيوں پيارے نہ ہوں مجھ کو

مرے ٹوٹے ہوئے دل کے يہ درد انگيز نالے ہيں

----------------

Transliteration

Anokhi Waza Hai, Sare Zamane Se Nirale Hain
Ye Ashiq Kon Si Basti Ke Ya-Rab Rehne Wale Hain

Ilaj-e-Dard Mein Bhi Dard Ki Lazzat Pe Merta Hun
Jo The Chhalon Mein Kante, Nok-e-Souzan Se Nikale Hain

Phala Phula Rahe Ya Rab ! Chaman Meri Umeedon Ka
Jigar Ka Khoon De De Kar Ye Boote Main Ne Pale Hain

Rulati Hai Mujhe Raton Ko Khamoshi Sitaron Ki
Nirala Ishq Hai Mera, Nirale Mere Nale Hain

Na Pucho Mujh Se Lazzat Khanaman Barbad Rehne
Nasheman Sekron Main Ne Bana Kar Phoonk Dale Hain

Nahin Begangi Achi Rafiq-e-Rah Manzil Se
Theher Ja Ae Sharar, Hum Bhi To Akhir Mitne Wale Hain

Umeed-e-Hoor Ne Sub Kuch Sikha Rakha Hai Waaiz Ko
Ye Hazrat Dekhne Mein Seedhe Sadhe, Bhole Bhale Hain

Mere Ashaar Ae Iqbal! Kyun Pyare Na Hon Mujh Ko
Mere Toote Huwe Dil Ke Ye Dard Angaiz Nale Hain

noman.bokhari@iqbalsociety.org (Noman Bokhari)

کيا کہوں اپنے چمن سے ميں جدا کيونکر ہوا

اور اسير حلقہ دام ہوا کيونکر ہوا

جائے حيرت ہے برا سارے زمانے کا ہوں ميں

مجھ کو يہ خلعت شرافت کا عطا کيونکر ہوا

کچھ دکھانے ديکھنے کا تھا تقاضا طور پر

کيا خبر ہے تجھ کو اے دل فيصلہ کيونکر ہوا

ہے طلب بے مدعا ہونے کی بھی اک مدعا

مرغ دل دام تمنا سے رہا کيونکر ہوا

ديکھنے والے يہاں بھی ديکھ ليتے ہيں تجھے

پھر يہ وعدہ حشر کا صبر آزما کيونکر ہوا

حسن کامل ہی نہ ہو اس بے حجابی کا سبب

وہ جو تھا پردوں ميں پنہاں ، خود نما کيونکر ہوا

موت کا نسخہ ابھی باقی ہے اے درد فراق

چارہ گر ديوانہ ہے ، ميں لا دوا کيونکر ہوا

تو نے ديکھا ہے کبھی اے ديدۂ عبرت کہ گل

ہو کے پيدا خاک سے رنگيں قبا کيونکر ہوا

پرسش اعمال سے مقصد تھا رسوائی مری

ورنہ ظاہر تھا سبھی کچھ ، کيا ہوا ، کيونکر ہوا

ميرے مٹنے کا تماشا ديکھنے کی چيز تھی

کيا بتائوں ان کا ميرا سامنا کيونکر ہوا

-------------------

Transliteration

Kya Kahun Apne Chaman Se Main Juda Kyunkar Huwa
Aur Aseer-e-Halqa-e-Daam-e-Hawa Kyunkar Huwa
Jaye Hairat Hai Bura Sare Zamane Ka Hun Mein

Mujh Ko Ye Khilaat Sharafat Ka Atta Kyunkar Huwa

Kuch Dekhne Dikhane Ka Tha Taqaza Toor Par
Kya Khabar Hai Tujh Ko Ae Dil Faisala Kyunkar Huwa

Hai Talab Be-Mudda Hone Ki Bhi Ek Mudda
Murgh-e-Dil Dam-e-Tamanna Se Raha Kyunkar Huwa

Dekhne Wale Yahan Bhi Dekh Lyte Hain Tujhe
Phir Ye Wada Hashar Ka Sabr Azma Kyunkar Huwa

Husn-e-Kamil Hi Na Ho Iss Be-Hijabi Ka Sabab
Woh Jo Tha Pardon Mein Pinhan, Khudnuma Kyunkar Huwa

Mout Ka Nuskha Abhi Baqi Hai Ae Dard-e-Faraaq!
Charahgar Diwana Hai, Main La-Dawa Kyunkar Huwa

Tu Ne Dekha Hai Kabhi Ae Didah-e-Ibrat Ke Gul
Ho Ke Paida Khak Se Rangeen Qaba Kyunkar Huwa

Pursish-e-Amaal Se Maqsad Tha Ruswayi Meri
Warna Zahir Tha Sabhi Kuch, Kya Huwa, Kyunkar Huwa

Mere Mitne Ka Tamasha Dekhne Ki Cheez Thi
Kya Bataun Un Ka Mera Samna Kyunkar Huwa

noman.bokhari@iqbalsociety.org (Noman Bokhari)

لاؤں وہ تنکے کہيں سے آشيانے کے ليے

بجلياں بے تاب ہوں جن کو جلانے کے ليے

وائے ناکامی ، فلک نے تاک کر توڑا اسے

ميں نے جس ڈالی کو تاڑا آشيانے کے ليے

آنکھ مل جاتی ہے ہفتاد و دو ملت سے تری

ايک پيمانہ ترا سارے زمانے کے ليے

دل ميں کوئی اس طرح کی آرزو پيدا کروں

لوٹ جائے آسماں ميرے مٹانے کے ليے

جمع کر خرمن تو پہلے دانہ دانہ چن کے تو

آ ہی نکلے گی کوئی بجلی جلانے کے ليے

پاس تھا ناکامی صياد کا اے ہم صفير

ورنہ ميں ، اور اڑ کے آتا ايک دانے کے ليے!

اس چمن ميں مرغ دل گائے نہ آزادی کا گيت

آہ يہ گلشن نہيں ايسے ترانے کے ليے

------------

Transliteration

Laon Woh Tinke Kahin Se Ashiyane Ke Liye
Bijlian Betaab Hun Jin Ko Jalane Ke Liye

Waye Nakami, Falak Ne Taak Kar Tora Usse
Mein Ne Jis Dali Ko Tara Ashiyane Ke Liye

Ankh Mil Jati Hai Haftad Wa Do Millat Se Teri
Aik Permana Tera Sare Zamane Ke Liye

Haftad Wa Do Millat = Islam Ke 72 Firqe

Dil Mein Koi Iss Tarah Ki Arzu Paida Karun
Lot Jaye Asman Mere Mitane Ke Liye

Jama Kar Kharman Tu Pehle Dana Dana Chun Ke Tu
Aa Hi Nikle Gi Koi Bijle Jalane Ke Liye

Pas Tha Nakami-e-Sayyad Ka Ae Hum-Safeer
Warna Main Aur Urh Ke Ata Aik Dane Ke Liye!

Iss Chaman Mein Murgh-e-Dil Gaye Na Azadi Ka Geet
Aah! Ye Gulshan Nahin Aese Tarane Ke Liye