کہ ہزاروں سجدے تڑپ رہے ہيں مری جبينِ نياز ميں

طَرَب آشنائے خروش ہو، تو  نوا ہے محرم گوش ہو

وہ سُرُود کيا کہ چھپا  ہوا  ہو سکوت پردۂ   ساز ميں

تو بچابچا کے نہ رکھ اسے،  ترا آئنہ ہے وہ آئنہ

کہ شِکَسْتَہ ہو تو عزيز تر ہے نگاہ آئنہ ساز ميں

دمِ طوف کِرمَکِ شمع نے يہ کہا کہ وہ اثرِکہن

نہ تری حکايت ِسوز ميں، نہ مری حديث ِگداز ميں

نہ کہيں جہاں ميں اماں ملی،  جو اماں ملی تو کہاں ملی

مرے جرم ِخانہ خراب کو ترے عفو بندہ نواز ميں

نہ وہ عشق ميں رہيں گرمياں، نہ وہ حسن ميں رہيں شوخياں

نہ وہ غزنوی ميں تڑپ رہی، نہ وہ خَم ہے زُلفِ اياز ميں

جو ميں سر بسجدہ ہوا کبھی تو  زميں سے آنے لگی صدا

ترا دل تو ہے صنم آشنا،  تجھے  کيا  ملے  گا  نماز  میں

حقيقتِ منتظر: حقیقت جس کا انتظار ہو، محبوب حقیقی  _   لِباس ِمجاز: یعنی جسم والا وجود  _   تڑپ رہے: بے چین ہیں _  جبينِ نياز: عاجزی اور انکساری والی پیشانی _ طَرَب آشنائے خروش: یعنی جزبہ عشق کی دھوم مچا دینے کے لطف سے آگاہ  _ طرب: خوشی، نشاط، لطف _  خروش: زور کی آواز، شور، غل  _  نوا: گیت، نغمہ _  محرم گوش: کانوں سے واقف، یعنی سنے جانے والا _  سُرُود:  گیت، نغمہ _ سکوت: خاموشی _  پردۂ  ساز: باجے کی لے، ساز  _  آئنہ : دل  _   شِکَسْتَہ ہونا: یعنی عشق کی چوٹ کھانے کی حالت _  نگاہ: نظر _ آئنہ ساز: آئنہ بنانے والا، مراد خدا _ دمِ: وقت  _  طوف: طواف _  کِرمَکِ شمع: شمع کا کیڑا، پروانہ، پتنگا _   اثرِکہن: پرانا اثر _  حکايت ِسوز: جلنے کی داستان؛ جلنے کی کیفیت _ حديث ِگداز: پگھلنے کی بات  _   جرم ِخانہ خراب: گھر کو اجاڑ دینے والے گناہ _ عفو بندہ نواز: ایسی معافی جو بندوں پر مہربانی کرنے والی ہے _  گرمياں: تپش، حرارت، محبت کا جزبہ _  شوخياں: ادائیں، ناز و انداز _  غزنوی: مشہور بادشاہ محمود غزنوی جو اپنے غلام ایاز سے بہت محبت کرتا تھا، مراد عاشقی _  خَم: بل _  زُلفِ اياز: ایاز کی زلف _ سر بسجدہ: سر کا سجدہ کی حالت میں ہونا _  صدا: آواز  _  صنم آشنا: بتوں کا عاشق

چشمِ مَہْر و مَہ و انجم کو تماشائی کر

تو جو بجلی ہے تو يہ چَشمک ِپنہاں کب تک

بے حِجابانہ مرے دل سے شناسائی کر

نَفَسِ گرم کی تاثير ہے اعجازِ حيات

تيرے سينے ميں اگر ہے تو مسيحائی کر

کب تلک طور پہ دَریوزَہ گَری مِثلِ کليم

اپنی ہستی سے عياں شعلہِ سينائی کر

ہو تری خاک کے ہر ذرے سے تعمير ِحرم

دل کو بيگانہِ انداز کليسائی کر

اس گلستاں ميں نہيں حد سے گزرنا اچھا

ناز بھی کر تو بہ اندازہِ  رعنائی کر

پہلے خوددار تو مانندِ سکندر ہو لے

پھر جہاں ميں ہوس ِشوکت ِدارائی کر

مل ہی جائے گی کبھی منزل ليلی اقبال

کوئی دن اور ابھی باديہ پيمائی کر

پردہ چہرے سے اُٹھا: اے محبوب اپنا دیدار کروا _ انجمن آرائی کر: پردہ سے باہر نکل کر سامنے آ  _  چشمِ: آنکھ  _  مَہْر: سورج _  مہ: ماہ، چاند  _ انجم: ستارے  _  تماشائی کر: دیکھنے والا بنا  _   چشمک پنہاں کنکھیوں سے نظر چرا کر دیکھنا  _ بے حجابانہ: پردہ اٹھا کر _  شناسائی: دوستی، واقفیت  _  نفس گرم: گرم سانس، عشق کی تپش  _  اعجاز حيات: زندہ کرنے کا معجزہ _  مسيحائی کر: مردوں کو زندہ کرنے کا عمل  _   طور: وادی ایمن کا پہاڑ، کوہ طور _ دريوزہ گری: بھیک مانگنے کی کیفیت _  مثل کليم: حضرت مسا کی طرح  _   ہستی: وجود _  عياں: ظاہر  _  شعلہ سينائی: وہ روشنی جو حضرت مسا کو کوہ طور پر نظر آی _ خاک کے ہر ذرے: یعنی جسم کا رواں رواں _  تعمير حرم: یعنی اسلامی کی حقیقی روح کا زدندہ ہونا _ بيگانہ: اجنبی _ کليسائی : غیر اسلامی اطوار _ ناز: ادا، غمزہ _  بہ اندازہِ رعنائی: حسن و جمال جتنا _  سکندر: سکندر رومی، کہا جاتا ہے کہ سکندر نی ایک وقت میں حضرت خضر سے کہ دیا تھا کہ آب حیات کے ڈھونڈنے میں اسے حضرت خضر کی ضرورت نہیں/ نہ کرنا بھی خودی کا ایک بہت بڑا سنگ میل ہے  _  شوکت دارائی: ایران کے قدیم بادشاہ دارا کی سی شان و شوکت _  منزل ليلی : محبوب کا ٹھکانہ _  باديہ پيمائی: محبوب کی تلاش میں جنگلوں بیابانوں میں پھرنا / مزید تگ و دو کرنا