Poetical Works - International Iqbal Society - Allama Iqbal

2021-02-20T08:51:21+00:00

مارچ 1907ء

زمانہ آيا ہے بے حجابي کا ، عام ديدار يار ہو گا

سکوت تھا پردہ دار جس کا ، وہ راز اب آشکار ہوگا

گزر گيا اب وہ دور ساقي کہ چھپ کے پيتے تھے پينے والے

بنے گا سارا جہان مے خانہ ، ہر کوئي بادہ خوار ہو گا

کبھي جو آوارہ جنوں تھے ، وہ بستيوں ميں پھر آ بسيں گے

برہنہ پائي وہي رہے گي مگر نيا خارزار ہو گا

سنا ديا گوش منتظر کو حجاز کي خامشي نے آخر

جو عہد صحرائيوں سے باندھا گيا تھا ، پھر استوار ہو گا

نکل کے صحرا سے جس نے روما کي سلطنت کو الٹ ديا تھا

سنا ہے يہ قدسيوں سے ميں نے ، وہ شير پھر ہوشيار ہو گا

کيا مرا تذکرہ جوساقي نے بادہ خواروں کي انجمن ميں

تو پير ميخانہ سن کے کہنے لگا کہ منہ پھٹ ہے ، خوار ہو گا

ديار مغرب کے رہنے والو! خدا کي بستي دکاں نہيں ہے

کھرا جسے تم سمجھ رہے ہو ، وہ اب زر کم عيار ہو گا

تمھاري تہذيب اپنے خنجر سے آپ ہي خود کشي کرے گي

جوشاخ نازک پہ آشيانہ بنے گا ، ناپائدار ہو گا

سفينہ برگ گل بنا لے گا قافلہ مور ناتواں کا

ہزار موجوں کي ہو کشاکش مگر يہ دريا سے پار ہو گا

چمن ميں لالہ دکھاتا پھرتا ہے داغ اپنا کلي کلي کو

يہ جانتا ہے کہ اس دکھاوے سے دل جلوں ميں شمار ہو گا

جو ايک تھا اے نگاہ تو نے ہزار کر کے ہميں دکھايا

يہي اگر کيفيت ہے تيري تو پھر کسے اعتبار ہو گا

کہا جوقمري سے ميں نے اک دن ، يہاں کے آزاد پا بہ گل ہيں

توغنچے کہنے لگے ، ہمارے چمن کا يہ رازدار ہو گا

خدا کے عاشق تو ہيں ہزاروں ، بنوں ميں پھرتے ہيں مارے مارے

ميں اس کا بندہ بنوں گا جس کو خدا کے بندوں سے پيار ہو گا

يہ رسم بزم فنا ہے اے دل! گناہ ہے جنبش نظر بھي

رہے گي کيا آبرو ہماري جو تو يہاں بے قرار ہو گا

ميں ظلمت شب ميں لے کے نکلوں گا اپنے درماندہ کارواں کو

شررفشاں ہوگي آہ ميري ، نفس مرا شعلہ بار ہو گا

نہيں ہے غير از نمود کچھ بھي جو مدعا تيري زندگي کا

تو اک نفس ميں جہاں سے مٹنا تجھے مثال شرار ہو گا

نہ پوچھ اقبال کا ٹھکانا ابھي وہي کيفيت ہے اس کي

کہيں سر رہ گزار بيٹھا ستم کش انتظار ہو گا

2021-02-20T08:51:21+00:00

مثال پرتو مے ، طوف جام کرتے ہيں

يہي نماز ادا صبح و شام کرتے ہيں

خصوصيت نہيں کچھ اس ميں اے کليم تري

شجر حجر بھي خدا سے کلام کرتے ہيں

نيا جہاں کوئي اے شمع ڈھونڈيے کہ يہاں

ستم کش تپش ناتمام کرتے ہيں

بھلي ہے ہم نفسو اس چمن ميں خاموشي

کہ خوشنوائوں کو پابند دام کرتے ہيں

غرض نشاط ہے شغل شراب سے جن کي

حلال چيز کو گويا حرام کرتے ہيں

بھلا نبھے گي تري ہم سے کيونکر اے واعظ!

کہ ہم تو رسم محبت کو عام کرتے ہيں

الہي سحر ہے پيران خرقہ پوش ميں کيا!

کہ اک نظر سے جوانوں کو رام کرتے ہيں

ميں ان کي محفل عشرت سے کانپ جاتا ہوں

جو گھر کو پھونک کے دنيا ميں نام کرتے ہيں

ہرے رہو وطن مازني کے ميدانو!

جہاز پر سے تمھيں ہم سلام کرتے ہيں

جو بے نماز کبھي پڑھتے ہيں نماز اقبال

بلا کے دير سے مجھ کو امام کرتے ہيں

----------------

Transliteration

Misal-e-Partou Mai Tof-e-Jaam Karte Hain
Yehi Namaz Ada Subah-o-Shaam Karte Hain

Khasoosiat Nahin Kuch Iss Mein Ae Kaleem Teri
Shajar Hajar Bhi Khuda Se Kalam Karte Hain

Naya Jahan Koi Ae Shama! Dhoondiye Ke Yahan
Sitam Kash-e-Tapish-e-Natamam Karte Hain

Bhali Hai Hum Nafso Iss Chaman Mein Khamoshi
Ke Khushnawaon Ko Paband-e-Daam Karte Hain

Gharz Nishaat Hai Shughal-e-Sharab Se Jin Ki
Hilal Cheez Ko Goya Haram Karte Hain

Bhala Nibhe Gi Teri Hum Se Kyunkar Ae Waiz!
Ke Hum To Rasm-e-Mohabbat Ko Aam Karte Hain

Elahi Sehar Hai Peeran-e-Kharqa Posh Mein Kya!
Ke Ek Nazar Se Jawanon Ko Raam Karte Hain

Main Un Ki Mehfil-e-Ishrat Se Kanp Jata Hun
Jo Ghar Ko Phoonk Ke Dunya Mein Naam Karte Hain

Hare Raho Watan-e-Maazni Ke Maidano!
Jahaz Par Se Tumhain Hum Salam Karte Hain

Jo Be-Namaz Kabhi Parhte Hain Namaz Iqbal
Bula Ke Dair Se Mujh Ko Imam Karte Hain

2021-02-20T08:51:21+00:00

يوں تو اے بزم جہاں! دلکش تھے ہنگامے ترے

اک ذرا افسردگي تيرے تماشائوں ميں تھي

پا گئي آسودگي کوئے محبت ميں وہ خاک

مدتوں آوارہ جو حکمت کے صحرائوں ميں تھي

کس قدر اے مے! تجھے رسم حجاب آئي پسند

پردہ انگور سے نکلي تو مينائوں ميں تھي

حسن کي تاثير پر غالب نہ آ سکتا تھا علم

اتني ناداني جہاں کے سارے دانائوں ميں تھي

ميں نے اے اقبال يورپ ميں اسے ڈھونڈا عبث

بات جو ہندوستاں کے ماہ سيمائوں ميں تھي

-------------

Transliteration

Yun To Ae Bazm-e-Jahan! Dilkash The Hangame Tere
Ek Zara Afsudagi Tere Tamashaon Mein Thi

Pa Gyi Aasudgi Kooye Mohabbat Mein Woh Khaak
Muddaton Aawara Jo Hikmat Ke Sehraon Mein Thi

Kis Qadar Ae Mai, Tujhe Rasm-e-Hijab Ayi Pasand
Parda-e-Angoor Se Nikli To Minaon Mein Thi

Husn Ki Taseer Par Ghalib Na Aa Sakta Tha Ilm
Itni Nadani Jahan Ke Sare Danaon Mein Thi

Main Ne Ae Iqbal Yourap Mein Usse Dhoonda Abas
Baat Jo Hindustan Ke Mah Seemaon Mein Thi

2021-02-20T08:51:21+00:00

چمک تيري عياں بجلي ميں ، آتش ميں ، شرارے ميں

جھلک تيري ہويدا چاند ميں ،سورج ميں ، تارے ميں

بلندي آسمانوں ميں ، زمينوں ميں تري پستي

رواني بحر ميں ، افتادگي تيري کنارے ميں

شريعت کيوں گريباں گير ہو ذوق تکلم کي

چھپا جاتا ہوں اپنے دل کا مطلب استعارے ميں

جو ہے بيدار انساں ميں وہ گہري نيند سوتا ہے

شجر ميں ، پھول ميں ، حيواں ميں ، پتھر ميں ، ستارے ميں

مجھے پھونکا ہے سوز قطرہء اشک محبت نے

غضب کي آگ تھي پاني کے چھوٹے سے شرارے ميں

نہيں جنس ثواب آخرت کي آرزو مجھ کو

وہ سوداگر ہوں ، ميں نے نفع ديکھا ہے خسارے ميں

سکوں نا آشنا رہنا اسے سامان ہستي ہے

تڑپ کس دل کي يا رب چھپ کے آ بيٹھي ہے پارے ميں

صدائے لن تراني سن کے اے اقبال ميں چپ ہوں

تقاضوں کي کہاں طاقت ہے مجھ فرقت کے مارے ميں

---------------

Transliteration

Chamak Teri Ayan Bijli Mein, Atish Mein, Sharare Mein
Jhalak Teri Haweda Chand Mein, Suraj Mein, Tare Mein

Bulandi Aasmanon Mein, Zameeon Mein Teri Pasti
Rawani Behr Mein, Uftadgi Teri Kinare Mein

Shariat Kyun Gireban-Geer Ho Zauq-e-Takallam Ki
Chupa Jata Hun Apne Dil Ka Matlab Istaare Mein

Jo Hai Baidar Insan Mein Woh Gehri Neend Sota Hai
Shajar Mein, Phool Mein, Haiwan Mein, Pathar Mein, Sitare Mein

Mujhe Phoonka Hai Souz-e-Qatra-e-Ashak-e-Mohabbat Ne
Ghazab Ki Aag Thi Pani Ke Chote Se Sharare Mein

Nahin Jinse-e-Sawab-e-Akhrat Ki Arzoo Mujh Ko
Woh Soudagar Hun, Main Ne Nafa Dekha Hai Khasare Mein

Sukoon Na-Ashna Rehna Isse Saman-e-Hasti Hai
Tarap Kis Dil Ki Ya Rab Chup Ke Aa Baithi Hai Pare Mein

Sadaye Lan Tarani Sun Ke Ae Iqbal Mein Chup Hun
Taqazon Ki Kahan Taqat Hai Mujh Furqat Ke Mare Main

2021-02-20T08:51:21+00:00

زمانہ ديکھے گا جب مرے دل سے محشر اٹھے گا گفتگو کا

مري خموشي نہيں ہے ، گويا مزار ہے حرف آرزو کا

جو موج دريا لگي يہ کہنے ، سفر سے قائم ہے شان ميري

گہر يہ بولا صدف نشيني ہے مجھ کو سامان آبرو کا

نہ ہو طبيعت ہي جن کي قابل ، وہ تربيت سے نہيں سنورتے

ہوا نہ سرسبز رہ کے پاني ميں عکس سرو کنار جو کا

کوئي دل ايسا نظر نہ آيا نہ جس ميں خوابيدہ ہو تمنا

الہي تيرا جہان کيا ہے نگار خانہ ہے آرزو کا

کھلا يہ مر کر کہ زندگي اپني تھي طلسم ہوس سراپا

جسے سمجھتے تھے جسم خاکي ، غبار تھا کوئے آرزو کا

اگر کوئي شے نہيں ہے پنہاں تو کيوں سراپا تلاش ہوں ميں

نگہ کو نظارے کي تمنا ہے، دل کو سودا ہے جستجو کا

چمن ميں گلچيں سے غنچہ کہتا تھا ، اتنا بيدرد کيوں ہے انساں

تري نگاہوں ميں ہے تبسم شکستہ ہونا مرے سبو کا

رياض ہستي کے ذرے ذرے سے ہے محبت کا جلوہ پيدا

حقيقت گل کو تو جو سمجھے تو يہ بھي پيماں ہے رنگ و بو کا

تمام مضموں مرے پرانے ، کلام ميرا خطا سراپا

ہنر کوئي ديکھتا ہے مجھ ميں تو عيب ہے ميرے عيب جو کا

سپاس شرط ادب ہے ورنہ کرم ترا ہے ستم سے بڑھ کر

ذرا سا اک دل ديا ہے ، وہ بھي فريب خوردہ ہے آرزو کا

کمال وحدت عياں ہے ايسا کہ نوک نشتر سے تو جو چھيڑے

يقيں ہے مجھ کو گرے رگ گل سے قطرہ انسان کے لہو کا

گيا ہے تقليد کا زمانہ ، مجاز رخت سفر اٹھائے

ہوئي حقيقت ہي جب نماياں تو کس کو يارا ہے گفتگو کا

جو گھر سے اقبال دور ہوں ميں ، تو ہوں نہ محزوں عزيز ميرے

مثال گوہر وطن کي فرقت کمال ہے ميري آبرو کا

------------------------

Transliteration

Zamane Dekhe Ga Jab Mere Dil Se Mehshar Uthe Ga Gutugoo Ka
Meri Khamoshi Nahin Hai, Goya Mazar Hai Harf-e-Arzoo Ka

Jo Mouj-e-Darya Lagi Ye Kehne, Safar Se Qayem Hai Shan Meri
Guhar Ye Bola Sadaf Nasheeni Hai Mujh Ko Saman Aabru Ka

Na Ho Tabiat Hi Jin Ki Qabil, Woh Tarbiat Se Nahin Sanwarte
Huwa Na Sar Sabz Reh Ke Pani Mein Aks Saru-e-Kinar-e-Joo Ka

Koi Dil Aesa Nazar Na Aya Na Jis Mein Khawabida Ho Tamanna
Elahi Tera Jahan Kya Hai, Nigar Khana Hai Arzoo Ka

Khula Ye Mer Kar Ke Zindagi Apni Thi Tilism-e-Hawas Sarapa
Jise Samajhte The Jism-e-Khaki, Gubar Tha Kooye Arzoo Ka

Agar Koi Shay Nahin Hai Pinhan To Kyun Sarapa Talash Hun Mein
Nigah Ko Nazzare Ki Tamanna Hai, Dil Ko Soda Hai Justujoo Ka

Chaman Mein Gulcheen Se Ghuncha Kehta Tha, Itna Bedard Kyun Hai Insan
Teri Nigahon Mein Hai Tabassum Shakista Ho Na Mere Saboo Ka

Riyaz-e-Hasti Ke Zarre Zaree Se Hai Mohabbat Ka Jalwa Paida
Haqiqat-e-Gul Ko Tu Jo Samajhe To Ye Bhi Pema Hai Rang-o-Bu Ka

Tamam Mazmoon Mere Parane, Kalam Mera Khata Sarapa
Hunar Koi Dekhta Hai Mujh Mein To Ayb Hai Mere Ayb Joo Ka

Sapas Shart-e-Adab Hai Warna Karam Tera Hai Sitam Se Barh Kar
Zara Sa Ek Dil Diya Hai, Woh Bhi Faraib Khurda Hai Arzoo Ka

Kamal-e-Wahdat Ayan Hai Aesa Ke Nauk-e-Nashtar Se Tu Jo Chaire
Yaqeen Hai Mujh Ko Gire Rag-e-Gul Se Qatra Insan Ke Lahoo Ka

Gya Hai Taqleed Ka Zamana, Majaz Rakht-e-Safar Uthaye
Huwi Haqiqat Hi Jab Namayan To Kis Ko Yara Hai Guftugoo Ka

Jo Ghar Se Iqbal Door Hun Main, To Hun Na Mehzoon Aziz Mere
Misal-e-Gohar Watan Ki Furqat Kamal Hai Meri Abroo Ka

2021-02-20T08:51:21+00:00

الہي عقل خجستہ پے کو ذرا سي ديوانگي سکھا دے

اسے ہے سودائے بخيہ کاري ، مجھے سر پيرہن نہيں ہے

ملا محبت کا سوز مجھ کو تو بولے صبح ازل فرشتے

مثال شمع مزار ہے تو ، تري کوئي انجمن نہيں ہے

يہاں کہاں ہم نفس ميسر ، يہ ديس نا آشنا ہے اے دل!

وہ چيز تو مانگتا ہے مجھ سے کہ زير چرخ کہن نہيں ہے

نرالا سارے جہاں سے اس کو عرب کے معمار نے بنايا

بنا ہمارے حصار ملت کي اتحاد وطن نہيں ہے

کہاں کا آنا ، کہاں کا جانا ، فريب ہے امتياز عقبي

نمود ہر شے ميں ہے ہماري ، کہيں ہمارا وطن نہيں ہے

مدير 'مخزن' سے کوئي اقبال جا کے ميرا پيام کہہ دے

جوکام کچھ کر رہي ہيں قوميں ، انھيں مذاق سخن نہيں ہے

-------------

Elahi Aqal-e-Khujasta Pe Ko Zara Si Diwangi Sikha De
Isse Hai Sodaye Bakhya Kari, Mujhe Sirr-e-Pairhan Nahin Hai

Mila Mohabbat Ka Souz Mujh Ko To Bole Subah-e-Azal Farishte
Misal-e-Shama-e-Mazar Hai Tu, Teri Koi Anjuman Nahin Hai

Yahan Kahan Hum-Nafas Mayyasar, Ye Dais Na-Ashna Hai Ae Dil !
Woh Cheez Tu Mangta Hai Mujh Se Ke Zair-e-Charakh-e-Kuhan Nahin Hai

Nirala Sare Jahan Se Iss Ko Arab Ke Maamaar (S.A.W.) Ne Banaya
Bina Humare Hisar-e-Millat Ki Ithaad-e-Watan Nahin Hai

Kahan Ka Ana, Kahan Ka Jana, Faraib Hai Imtiaz-e-Uqba
Namood Har Shay Mein Hai Humari, Kahin Humara Watan Nahin Hai

Mudeer-e-‘Makhzan’ Se Koi Iqbal Ja Ke Mera Payam Keh De
Jo Kaam Kuch Kar Rahi Hain Qoumain, Unhain Mazaq-e-Sukhan Nahin Hai

2021-02-20T08:51:21+00:00

زندگی انساں کی اک دم کے سوا کچھ بھی نہيں
دم ہوا کی موج ہے ، رَم کے سِوا کچھ بھی نہيں
گل تَبَسُّم کہہ رہا تھا زندگانی کو مگر
شمع بولی ، گِریہء غم کے سِوا کچھ بھی نہيں
رازِہستی راز ہے جب تک کوئی محرم نہ ہو
کھل گيا جس دم تو محرم کے سوا کچھ بھی نہيں
زائرانِ کعبہ سے اقبال يہ پوچھے کوئی
کياحرم کا تحفہ زمزم کے سوا کچھ بھی نہيں

دم: سانس _ رَم: بھاگنا، بھاگ اٹھنا _ تَبَسُّم: مسکرانے کی حالت _ گِریہء غم: دکھ درد کا رونا _ رازِہستی: زندگی کا بھید، زندگی کیا ہے ؟ محرم: واقف حال _ کھل گيا: ظاہر ہو گیا _ دم: پل، وقت، گھڑی _ زائرانِ: زائر کی جمع، زیارت کرنے والے _ حرم: کعبہ _ زمزم: آبِ زم زم

Transliteration

Zindagi Insan Ki Ek Dam Ke Sawa Kuch Bhi Nahin
Dam Hawa Ki Mouj Hai, Ram Ke Siwa Kuch Bhi Nahin

Gul Tabassum Keh Raha Tha Zindagaani Ko Magar
Shama Boli, Girya-e-Gham Ke Siwa Kuch Bhi Nahin

Raaz-e-Hasti Raaz Hai Jab Tak Koi Mehram Na Ho
Khul Gya Jis Dam To Mehram Ke Siwa Kuch Bhi Nahin

Zaeeran-e-Kaaba Se Iqbal Ye Puche Koi

Kya Haram Ka Tohfa Zamzam Ke Siwa Kuch Bhi NahinKya Haram Ka Tohfa Zamzam Ke Siwa Kuch Bhi Nahin