Poetical Works - International Iqbal Society - Allama Iqbal

2021-02-20T07:01:39+00:00

آتي ہے دم صبح صدا عرش بريں سے
کھويا گيا کس طرح ترا جوہر ادراک!
کس طرح ہوا کند ترا نشتر تحقيق
ہوتے نہيں کيوں تجھ سے ستاروں کے جگر چاک
تو ظاہر و باطن کي خلافت کا سزاوار
کيا شعلہ بھي ہوتا ہے غلام خس و خاشاک
مہر و مہ و انجم نہيں محکوم ترے کيوں
کيوں تري نگاہوں سے لرزتے نہيں افلاک
اب تک ہے رواں گرچہ لہو تيري رگوں ميں
نے گرمي افکار، نہ انديشہ بے باک
روشن تو وہ ہوتي ہے، جہاں بيں نہيں ہوتي
جس آنکھ کے پردوں ميں نہيں ہے نگہ پاک
باقي نہ رہي تيري وہ آئينہ ضميري
اے کشتہء سلطاني و ملائي و پيري

-------------

Transliteration

Awaz-e-Ghaib

Ati Hai Dam-E-Subah Sadda Arsh-E-Bareen Se

Khoya Gya Kis Tarah Tera Johar-E-Idraak !

Kis Tarah Huwa Kund Tera Nashtar-E-Tehqeeq

Hote Nahin Kyun Tujh Se Sitaron Ke Jagar Chaak

Tu Zahir-O-Batin Ki Khilafat Ka Sazawaar

Kya Shaola Bhi Hota Hai Ghulam-E-Khs-O-Khashaak

Mehar-O-Mah-O-Anjum Nahin Mehkoom Tere Kyun

Kyun Teri Nigahon Se Larazte Nahin Aflaak

Ab Tak Hai Rawan Gharcha Lahoo Teri Raagon Mein

Ne Garmi-E-Afkaar, Na Andaish-e-Bebaak

Roshan To Woh Hoti Hai, Jahan Been Nahin Hoti

Jis Ankh Ke Pardon Mein Nahin Hai Nigah-E-Pak

Baqi Na Rahi Teri Woh Aaeena Zameeri

Ae Kushta-e-Sultani-O-Mullai-O-Peeri !

2021-02-20T07:01:39+00:00

يہ مہر و مہ، يہ ستارے يہ آسمان کبود
کسے خبر کہ يہ عالم عدم ہے يا کہ وجود
خيال جادہ و منزل فسانہ و افسوں
کہ زندگي ہے سراپا رحيل بے مقصود
رہي نہ آہ ، زمانے کے ہاتھ سے باقي
وہ يادگار کمالات احمد و محمود
زوال علم و ہنر مرگ ناگہاں اس کي
وہ کارواں کا متاع گراں بہا مسعود!
مجھے رلاتي ہے اہل جہاں کي بيدردي
فغان مرغ سحر خواں کو جانتے ہيں سرود
نہ کہہ کہ صبر ميں پنہاں ہے چارئہ غم دوست
نہ کہہ کہ صبر معمائے موت کي ہے کشود
''دلے کہ عاشق و صابر بود مگر سنگ است
ز عشق تا بہ صبوري ہزار فرسنگ است''

(سعدي)

نہ مجھ سے پوچھ کہ عمر گريز پا کيا ہے
کسے خبر کہ يہ نيرنگ و سيميا کيا ہے
ہوا جو خاک سے پيدا، وہ خاک ميں مستور
مگر يہ غيبت صغري ہے يا فنا، کيا ہے!
غبار راہ کو بخشا گيا ہے ذوق جمال
خرد بتا نہيں سکتي کہ مدعا کيا ہے
دل و نظر بھي اسي آب و گل کے ہيں اعجاز
نہيں تو حضرت انساں کي انتہا کيا ہے؟
جہاں کي روح رواں 'لا الہ الا ھو،
مسيح و ميخ و چليپا ، يہ ماجرا کيا ہے!
قصاص خون تمنا کا مانگيے کس سے
گناہ گار ہے کون، اور خوں بہا کيا ہے
غميں مشو کہ بہ بند جہاں گرفتاريم
طلسم ہا شکند آں دلے کہ ما داريم
خودي ہے زندہ تو ہے موت اک مقام حيات
کہ عشق موت سے کرتا ہے امتحان ثبات
خودي ہے زندہ تو دريا ہے بے کرانہ ترا
ترے فراق ميں مضطر ہے موج نيل و فرات
خودي ہے مردہ تو مانند کاہ پيش نسيم
خودي ہے زندہ تو سلطان جملہ موجودات
نگاہ ايک تجلي سے ہے اگر محروم
دو صد ہزار تجلي تلافي مافات
مقام بندئہ مومن کا ہے ورائے سپہر
زميں سے تا بہ ثريا تمام لات و منات
حريم ذات ہے اس کا نشيمن ابدي
نہ تيرہ خاک لحد ہے، نہ جلوہ گاہ صفات
خود آگہاں کہ ازيں خاک داں بروں جستند
طلسم مہر و سپہر و ستارہ بشکستند

--------------

Transliteration

Masood Marhoom

Ye Mehar-O-Mah, Ye Sitare Ye Asman-E-Kubood

Kise Khabar Ke Ye Alam Addam Hai Ya Ke Wujood

Khiyal-E-Jadah-O-Manzil Fasana-O-Afsoun

Ke Zindagi Hai Sarapa Raheel-E-Be-Maqsood

Rahi Na Aah, Zamane Ke Hath Se Baqi

Vo Yaadgar-E-Kamalaat -E-Ahmad-O-Mehmood

Zawal-E-Ilm-O-Hunar Marg-E-Naaghan Uss Ki

Woh Karwan Ka Mataa-E-Garan Bha Masood !

Mujhe Rulati Hai Ahl-E-Jahan Ki Baydardi

Faghan-E-Mugh-E-Sehar Khawan Ko Jante Hain Surood

Na Keh Ke Sabr Mein Pinhan Hai Chara’ay Gham-e-Dost

Na Keh Ke Sabr Mu’amaye Mout Ki Hai Kushood

"Dile Ke Ashiq Wa Sabir Bood Magar Sang Ast

Za Ishq Ta Ba Saboori Hazar Farsang Ast" (Sadi)

Na Mujh Se Pooch Ke Umer-E-Garaiz Pa Kiya Hai

Kise Khabar Ke Ye Neerang-O-Seemiya Kya Hai

Huwa Jo Khak Se Paida, Vo Khak Mein Mastoor

Magar Ye Ghaibat-E-Sughra Hai Ya Fana, Kya Hai !

Ghubar-E-Rah Ko Bakhsha Gya Hai Zauq-E-Jamal

Khirad Bata Nahin Sakti Ke Muddaa Kya Hai

Dil-O-Nazar Bhi Issi Aab-O-Gil Ke Hain Ijaz

Nahin To Hazrat-E-Insan Ki Intiha Kya Hai?

Jahan Ki Rooh-E-Rawan ‘LA ILAHA ILLA HOO’

Masih-O-Meekh-O-Chalipa, Ye Majra Kya Hai !

Qasas Khoon-E-Tammana Ka Mangiye Kis Se

Gunahgar Hai Kon, Aur Khoon Baha Kya Hai

Ghameen Masho Ke Ba Band-E-Jahan Gariftarem

Talism Ha Shikand Aan Dile Ke Ma Darem

Khudi Hai Zinda To Hai Mout Ek Maqam-E-Hayat

Ke Ishq Mout Se Karta Hai Imtihan-E-Sabaat

Khudi Hai Zinda To Darya Hai Be-Karana Tera

Tere Firaq Mein Muztir Hai Mouj-E-Neel-O-Firat

Khudi Hai Murda To Manind-E-Kah Paish-E-Naseem

Khudi Hai Zinda To Sultan-E-Jumla Moujoodat

Nigah Aik Tajalli Se Hai Agar Mehroom

Dou Sad Hazar Tajalli Talafi-E-Mafaat

Maqam Banda’ay Momin Ka Hai Wara’ay Sipihr

Zameen Se Ta Ba Surreya Tamam Laat-O-Manaat

Hareem-E-Zaat Hai Iss Ka Nasheman-e-Abdi

Na Tera Khak-E-Lehad Hai, Na Jalwagah-E-Sifaat

Khud Aa-Gahan Ke Azeen Khakdan Baron Jastand

Tilism Mehar-O-Sipihr-O-Sitara Bashkastand

2021-02-20T07:01:39+00:00

اس دير کہن ميں ہيں غرض مند پجاري
رنجيدہ بتوں سے ہوں تو کرتے ہيں خدا ياد
پوجا بھي ہے بے سود، نمازيں بھي ہيں بے سود
قسمت ہے غريبوں کي وہي نالہ و فرياد
ہيں گرچہ بلندي ميں عمارات فلک بوس
ہر شہر حقيقت ميں ہے ويرانہء آباد
تيشے کي کوئي گردش تقدير تو ديکھے
سيراب ہے پرويز، جگر تشنہ ہے فرہاد
يہ علم، يہ حکمت، يہ سياست، يہ تجارت
جو کچھ ہے، وہ ہے فکر ملوکانہ کي ايجاد
اللہ! ترا شکر کہ يہ خطہ پر سوز
سوداگر يورپ کي غلامي سے ہے آزاد

--------------

Transliteration

Douzakhi Ki Munajaat

Iss Dair-e-Kuhan Mein Hain Gharzmand Poojari

Ranjeeda Button Se Hon To Karte Hain Khuda Yaad

Pooja Bhi hai Be-sood, Namazain bhi hain Be-sood

Qismat Hai Gharibon Ki Wohi Nala-o-Faryad

Hain Garcha Bulandi Mein Amaraat Falak Bous

Har Sheher Haqiqat Mein Hai Weerana’ay Abad

Teeshe Ki Koi Gardish-e-Taqdeer Tou Dekhe

Sirab Hai Pervaiz, Jigar-e-Tashna Hai Farhad

Ye Ilm, Ye Hikmat, Ye Siasat, Ye Tijarat

Jo Kuch Hai, Woh Hai Fikar-e-Mulookana Ki Ijaad

Allah ! Tera Shukar Ke Ye Khitta-e-Pursouz

Soudagar-e-Yourap Ki Ghulami Se Hai Azad !

2021-02-20T07:01:39+00:00

Mazool Shahenshah

Ho Mubarik Uss Shahenshah-e-Nikofar Jaam Ko

Jis Ki Qurbani Se Asrar-e-Mulookiyat Hain Faash

'Shah' Hai Bartanvi Mandar Mein Ek Mitti Ka But

Jis Ko Kar Sakte Hain, Jab Chahain Poojari Paash Paash

Hai Ye Mushk Amaiz Afyoon Hum Ghulamon Ke Liye

Sahir-e-Ungleen ! Mara Khawaja'ay Digar Taraash

2021-02-20T07:01:39+00:00

مردہ اپني قبر سے

کيا شے ہے، کس امروز کا فردا ہے قيامت
اے ميرے شبستاں کہن! کيا ہے قيامت؟

قبر

اے مردئہ صد سالہ! تجھے کيا نہيں معلوم؟
ہر موت کا پوشيدہ تقاضا ہے قيامت!

مردہ

جس موت کا پوشيدہ تقاضا ہے قيامت
اس موت کے پھندے ميں گرفتار نہيں ميں
ہر چند کہ ہوں مردئہ صد سالہ وليکن
ظلمت کدہ خاک سے بيزار نہيں ميں
ہو روح پھر اک بار سوار بدن زار
ايسي ہے قيامت تو خريدار نہيں ميں

صدائے غيب

نے نصيب مار و کژدم، نے نصيب دام و دد
ہے فقط محکوم قوموں کے ليے مرگ ابد
بانگ اسرافيل ان کو زندہ کر سکتي نہيں
روح سے تھا زندگي ميں بھي تہي جن کا جسد
مر کے جي اٹھنا فقط آزاد مردوں کا ہے کام
گرچہ ہر ذي روح کي منزل ہے آغوش لحد

قبر
(اپنے مردہ سے )

آہ ، ظالم! تو جہاں ميں بندہ محکوم تھا
ناکميں نہ سمجھي تھي کہ ہے کيوں خاک ميري سوز

تيري ميت سے مري تاريکياں تاريک تر
تيري ميت سے زميں کا پردئہ ناموس چاک
الحذر، محکوم کي ميت سے سو بار الحذر
اے سرافيل! اے خدائے کائنات! اے جان پاک!

صدائے غيب

گرچہ برہم ہے قيامت سے نظام ہست و بود
ہيں اسي آشوب سے بے پردہ اسرار وجود
زلزلے سے کوہ و در اڑتے ہيں مانند سحاب
زلزلے سے واديوں ميں تازہ چشموں کي نمود
ہر نئي تعمير کو لازم ہے تخريب تمام
ہے اسي ميں مشکلات زندگاني کي کشود

زمين

آہ يہ مرگ دوام، آہ يہ رزم حيات
ختم بھي ہوگي کبھي کشمکش کائنات!
عقل کو ملتي نہيں اپنے بتوں سے نجات
عارف و عامي تمام بندئہ لات و منات
خوار ہوا کس قدر آدم يزداں صفات
قلب و نظر پر گراں ايسے جہاں کا ثبات
کيوں نہيں ہوتي سحر حضرت انساں کي رات؟

------------

Transliteration

Alam-e-Barzakh

Murda Apni Qabar Se

Kya Shay Hai, Kis Amroz Ka Farda Hai Qayamat

Ae Mere Shabistan-E-Kuhan ! Kya Hai Qayamat?

Qabar

Ae Murda’ay Sad Sala ! Tujhe Kya Nahin Maloom?

Har Mout Ka Poshida Taqaza Hai Qayamat !

Murda

Jis Mout Ka Poshida Taqaza Hai Qayamat

Uss Mout Ke Phande Mein Giraftar Nahin Main

Har Chand Ke Hun Murda’ay Sad Sala Walekin

Zulmat Kudda’ay Khak Se Bezaar Nahin Main

Ho Rooh Phir Ek Bar Sawar-e-Badan-e-Zaar

Aesi Hai Qayamat To Kharidar Nahin Main

Sada’ay Ghaib

Ne Naseeb-e-Maar Wa Kuzdum, Ne Naseeb-e-Dawam Wa Dad

Hai Faqat Mehkoom Qoumon Ke Liye Marg-e-Abad

Bang-e-Israfeel Un Ko Zinda Kar Sakti Nahin

Rooh Se Tha Zindagi Mein Bhi Tehi Jin Ka Jasad

Mar Ke Ji Uthna Faqat Azad Mardon Ka Hai Kaam

Garcha Har Zee Rooh Ki Manzil Hai Aagosh-E-Lehad

Qabar (Apne Murde Se)

Ah Zalim! Tu Jahan Mein Banda’ay Mehkoom Tha

Main Na Samjhi Thi Ke Hai Kyun Khak Meri Souz Naak

Teri Mayyat Se Meri Tareekiyan Tareek Tar

Teri Mayyat Se Zameen Ka Parda’ay Namoos Chaak

Alhazar, Mehkoom Ki Mayyat Se Sou Bar Alhazar

Ae Sarafeel ! Ae Khuda’ay Kainat ! Ae Jaan-E-Pak

Sada’ay Ghaib

Garcha Barham Hai Qayamat Se Nizam-E-Hast-O-Bood

Hain Issi Aashob Se Beparda Asrar-E-Wajood

Zalzale Se Koh-O-Dar Urtte Hain Manind-E-Sihab

Zalzale Se Wadiyon Mein Taza Chashmon Ki Namood

Har Nayi Tameer Ko Lazim Hai Takhreeb-E-Tamam

Hai Issi Mein Mushkilat-E-Zindagani Ki Kushood

Zameen

Ah Ye Marg-E-Dawam, Ah Ye Razm-E-Hayat

Khatam Bhi Ho Gi Kabhi Kashmakash-E-Kainat !

Aqal Ko Milti Nahin Apne Button Se Nijaat

Arif-O-Aami Tamam Band’ay Laat-O-Manaat

Khuwaar Huwa Kis Qadar Adam-E-Yazdaan Sifaat

Qalb-O-Nazar Par Garan Aese Jahan Ka Sibaat

Kyun Nahin Hoti Sehar Hazrat-E-Insan Ki Raat?

2021-02-20T07:01:39+00:00

تصوير

کہا تصوير نے تصوير گر سے
نمائش ہے مري تيرے ہنر سے
وليکن کس قدر نا منصفي ہے
کہ تو پوشيدہ ہو ميري نظر سے!

مصور

گراں ہے چشم بينا ديدہ ور پر
جہاں بيني سے کيا گزري شرر پر!
نظر ، درد و غم و سوز و تب و تاب
تو اے ناداں، قناعت کر خبر پر

تصوير

خبر، عقل و خرد کي ناتواني
نظر، دل کي حيات جاوداني
نہيں ہے اس زمانے کي تگ و تاز
سزاوار حديث 'لن تراني'

مصور

تو ہے ميرے کمالات ہنر سے
نہ ہو نوميد اپنے نقش گر سے
مرے ديدار کي ہے اک يہي شرط
کہ تو پنہاں نہ ہو اپني نظر سے

------------

Transliteration

Tasveer-o-Musawwar

Tasveer

Kaha Tasveer Ne Tasweer Gar Se

Numaish Hai Meri Tere Hunar Se

Wa Lekin Kis Qaddar Na-Munsafi Hai

Ke Tu Poshida Ho Meri Nazar Se!

Musawwar

Garan Hai Chasm-E-Bina Didah Wer Par

Jahan Beeni Se Kya Guzri Sharar Par!

Nazar Dard-o-Gham-o-Souz-o-Tab-o-Taab

Tu Ae Nadan, Qana’at Kar Khabar Par

Tasveer

Khabar, Aqal-o-Kirad Ki Natawani

Nazar, Dil Ki Hayat Javedani

Nahin Hai Iss Zamane Ki Tag-o-Taaz

Sazawar-e-Hadees-e-'Lan Tarani'

Musawwar

Tu Hai Mere Kamalat-e-Hunar Se

Na Ho Naumeed Apne Naqsh Gar Se

Mere Didar Ki Hai Ek Yehi Sharat

Ke Tu Pinhan Na Ho Apni Nazar Se

2021-02-20T07:01:39+00:00

ہو تيرے بياباں کي ہوا تجھ کو گوارا
اس دشت سے بہتر ہے نہ دلي نہ بخارا
جس سمت ميں چاہے صفت سيل رواں چل
وادي يہ ہماري ہے، وہ صحرا بھي ہمارا
غيرت ہے بڑي چيز جہان تگ و دو ميں
پہناتي ہے درويش کو تاج سر دارا
حاصل کسي کامل سے يہ پوشيدہ ہنر کر
کہتے ہيں کہ شيشے کو بنا سکتے ہيں خارا
افراد کے ہاتھوں ميں ہے اقوام کي تقدير
ہر فرد ہے ملت کے مقدر کا ستارا
محروم رہا دولت دريا سے وہ غواص
کرتا نہيں جو صحبت ساحل سے کنارا
ديں ہاتھ سے دے کر اگر آزاد ہو ملت
ہے ايسي تجارت ميں مسلماں کا خسارا
دنيا کو ہے پھر معرکہء روح و بدن پيش
تہذيب نے پھر اپنے درندوں کو ابھارا
اللہ کو پامردي مومن پہ بھروسا
ابليس کو يورپ کي مشينوں کا سہارا
تقدير امم کيا ہے، کوئي کہہ نہيں سکتا
مومن کي فراست ہو تو کافي ہے اشارا
اخلاص عمل مانگ نيا گان کہن سے
'شاہاں چہ عجب گر بنوازند گدا را

-------------

Transliteration

Budhe Baloch Ki Nasihat Baite Ko

(1)

Ho Tere Bayaban Ki Hawa Tujh Ko Gawara

Iss Dasht Se Behter Hai Na Dilli Na Bukhara

(2)

Jis Simat Mein Chahe Sifat-e-Seel-e-Rawan Chal

Wadi Ye Humari Hai, Woh Sehra Bhi Humara

(3)

Ghairat Hai Bari Cheez Jahan-e-Tagg-o-Dou Mein

Pehnati Hai Darvesh Ko Taj-e-Sar-E-Dara

(4)

Hasil Kisi Kamil Se Ye Poshida Hunar Kar

Kehte Hain Ke Sheeshe Ko Bana Sakte Hain Khara

(5)

Afrad Ke Hathon Mein Hai Aqwam Ki Taqdeer

Har Fard Hai Millat Ke Muqaddar Ka Sitara

(6)

Mehroom Raha Doulat-e-Darya Se Woh Ghawwas

Karta Nahin Jo Souhbat-e-Sahil Se Kinara

(7)

Deen Hath Se De Kar Agar Azad Ho Millat

Hai Aesi Tajarat Mein Musalman Ka Khasara

(8)

Dunya Ko Hai Phir Ma’arka-e-Rooh-o-Badan Paish

Tehzeeb Ne Phir Apne Darindon Ko Ubhara

(9)

Allah Ko Pa-Mardi-e-Momin Pe Bharosa

Iblees Ko Yourap Ki Machinon Ka Sahara

(10)

Taqdeer-e-Umam Kya Hai, Koi Keh Nahin Sakta

Momin Ki Firasat Ho To Kafi Hai Ishara

(11)

Ikhlas-e-Amal Mang Nayagan-e-Kuhan Se

‘Shahan Che Ajab Gar Banawazand Gada Ra

2021-02-20T07:01:39+00:00

ابليس

يہ عناصر کا پرانا کھيل، يہ دنيائے دوں
ساکنان عرش اعظم کي تمناؤں کا خوں!
اس کي بربادي پہ آج آمادہ ہے وہ کارساز
جس نے اس کا نام رکھا تھا جہان کاف و نوں
ميں نے دکھلايا فرنگي کو ملوکيت کا خواب
ميں نے توڑا مسجد و دير و کليسا کا فسوں
ميں نے ناداروں کو سکھلايا سبق تقدير کا
ميں نے منعم کو ديا سرمايہ داري کا جنوں
کون کر سکتا ہے اس کي آتش سوزاں کو سرد
جس کے ہنگاموں ميں ہو ابليس کا سوز دروں
جس کي شاخيں ہوں ہماري آبياري سے بلند
کون کر سکتا ہے اس نخل کہن کو سرنگوں!

پہلا مشير

اس ميں کيا شک ہے کہ محکم ہے يہ ابليسي نظام
پختہ تر اس سے ہوئے خوئے غلامي ميں عوام
ہے ازل سے ان غريبوں کے مقدر ميں سجود
ان کي فطرت کا تقاضا ہے نماز بے قيام
آرزو اول تو پيدا ہو نہيں سکتي کہيں
ہو کہيں پيدا تو مر جاتي ہے يا رہتي ہے خام
يہ ہماري سعي پيہم کي کرامت ہے کہ آج
صوفي و ملا ملوکيت کے بندے ہيں تمام
طبع مشرق کے ليے موزوں يہي افيون تھي
ورنہ 'قوالي' سے کچھ کم تر نہيں 'علم کلام'!
ہے طواف و حج کا ہنگامہ اگر باقي تو کيا
کند ہو کر رہ گئي مومن کي تيغ بے نيام
کس کي نوميدي پہ حجت ہے يہ فرمان جديد؟
'ہے جہاد اس دور ميں مرد مسلماں پر حرام

دوسرا مشير

خير ہے سلطاني جمہور کا غوغا کہ شر
تو جہاں کے تازہ فتنوں سے نہيں ہے با خبر

پہلا مشير

ہوں، مگر ميري جہاں بيني بتاتي ہے مجھے
جو ملوکيت کا اک پردہ ہو، کيا اس سے خطر!
ہم نے خود شاہي کو پہنايا ہے جمہوري لباس
جب ذرا آدم ہوا ہے خود شناس و خود نگر
کاروبار شہرياري کي حقيقت اور ہے
يہ وجود مير و سلطاں پر نہيں ہے منحصر
مجلس ملت ہو يا پرويز کا دربار ہو
ہے وہ سلطاں، غير کي کھيتي پہ ہو جس کي نظر
تو نے کيا ديکھا نہيں مغرب کا جمہوري نظام
چہرہ روشن، اندروں چنگيز سے تاريک تر!

تيسرا مشير

روح سلطاني رہے باقي تو پھر کيا اضطراب
ہے مگر کيا اس يہودي کي شرارت کا جواب؟
وہ کليم بے تجلي، وہ مسيح بے صليب
نيست پيغمبر و ليکن در بغل دارد کتاب
کيا بتاؤں کيا ہے کافر کي نگاہ پردہ سوز
مشرق و مغرب کي قوموں کے ليے روز حساب!
اس سے بڑھ کر اور کيا ہوگا طبيعت کا فساد
توڑ دي بندوں نے آقاؤں کے خيموں کي طناب!

چوتھا مشير

توڑ اس کا رومہ الکبرے کے ايوانوں ميں ديکھ
آل سيزر کو دکھايا ہم نے پھر سيزر کا خواب
کون بحر روم کي موجوں سے ہے لپٹا ہوا
'گاہ بالد چوں صنوبر، گاہ نالد چوں رباب،

تيسرا مشير

ميں تو اس کي عاقبت بيني کا کچھ قائل نہيں
جس نے افرنگي سياست کو کيا يوں بے حجاب

پانچواں مشير
(ابليس کو مخاطب کرکے )

اے ترے سوز نفس سے کار عالم استوار
تو نے جب چاہا، کيا ہر پردگي کو آشکار
آب و گل تيري حرارت سے جہان سوز و ساز
ابلہ جنت تري تعليم سے دانائے کار
تجھ سے بڑھ کر فطرت آدم کا وہ محرم نہيں
سادہ دل بندوں ميں جو مشہور ہے پروردگار
کام تھا جن کا فقط تقديس و تسبيح و طواف
تيري غيرت سے ابد تک سرنگون و شرمسار
گرچہ ہيں تيرے مريد افرنگ کے ساحر تمام
اب مجھے ان کي فراست پر نہيں ہے اعتبار
وہ يہودي فتنہ گر، وہ روح مزدک کا بروز
ہر قبا ہونے کو ہے اس کے جنوں سے تار تار
زاغ دشتي ہو رہا ہے ہمسر شاہين و چرغ
کتني سرعت سے بدلتا ہے مزاج روزگار
چھا گئي آشفتہ ہو کر وسعت افلاک پر
جس کو ناداني سے ہم سمجھے تھے اک مشت غبار
فتنہء فردا کي ہيبت کا يہ عالم ہے کہ آج
کانپتے ہيں کوہسار و مرغزار و جوئبار
ميرے آقا! وہ جہاں زير و زبر ہونے کو ہے
جس جہاں کا ہے فقط تيري سيادت پر مدار

ابليس
(اپنے مشيروں سے )

ہے مرے دست تصرف ميں جہان رنگ و بو
کيا زميں، کيا مہر و مہ، کيا آسمان تو بتو
ديکھ ليں گے اپني آنکھوں سے تماشا غرب و شرق
ميں نے جب گرما ديا اقوام يورپ کا لہو
کيا امامان سياست، کيا کليسا کے شيوخ
سب کو ديوانہ بنا سکتي ہے ميري ايک ہو
کارگاہ شيشہ جو ناداں سمجھتا ہے اسے
توڑ کر ديکھے تو اس تہذيب کے جام و سبو!
دست فطرت نے کيا ہے جن گريبانوں کو چاک
مزدکي منطق کي سوزن سے نہيں ہوتے رفو
کب ڈرا سکتے ہيں مجھ کو اشتراکي کوچہ گرد
يہ پريشاں روزگار، آشفتہ مغز، آشفتہ مو
ہے اگر مجھ کو خطر کوئي تو اس امت سے ہے
جس کي خاکستر ميں ہے اب تک شرار آرزو
خال خال اس قوم ميں اب تک نظر آتے ہيں وہ
کرتے ہيں اشک سحر گاہي سے جو ظالم وضو
جانتا ہے، جس پہ روشن باطن ايام ہے
مزدکيت فتنہ فردا نہيں، اسلام ہے!

(2)

جانتا ہوں ميں يہ امت حامل قرآں نہيں
ہے وہي سرمايہ داري بندہ مومن کا ديں
جانتا ہوں ميں کہ مشرق کي اندھيري رات ميں
بے يد بيضا ہے پيران حرم کي آستيں
عصر حاضر کے تقاضاؤں سے ہے ليکن يہ خوف
ہو نہ جائے آشکارا شرع پيغمبر کہيں
الحذر! آئين پيغمبر سے سو بار الحذر
حافظ ناموس زن، مرد آزما، مرد آفريں
موت کا پيغام ہر نوع غلامي کے ليے
نے کوئي فغفور و خاقاں، نے فقير رہ نشيں
کرتا ہے دولت کو ہر آلودگي سے پاک صاف
منعموں کو مال و دولت کا بناتا ہے اميں
اس سے بڑھ کر اور کيا فکر و عمل کا انقلاب
پادشاہوں کي نہيں، اللہ کي ہے يہ زميں!
چشم عالم سے رہے پوشيدہ يہ آئيں تو خوب
يہ غنيمت ہے کہ خود مومن ہے محروم يقيں
ہے يہي بہتر الہيات ميں الجھا رہے
يہ کتاب اللہ کي تاويلات ميں الجھا رہے

(3)

توڑ ڈاليں جس کي تکبيريں طلسم شش جہات
ہو نہ روشن اس خدا انديش کي تاريک رات
ابن مريم مر گيا يا زندہ جاويد ہے
ہيں صفات ذات حق، حق سے جدا يا عين ذات؟
آنے والے سے مسيح ناصري مقصود ہے
يا مجدد، جس ميں ہوں فرزند مريم کے صفات؟
ہيں کلام اللہ کے الفاظ حادث يا قديم
امت مرحوم کي ہے کس عقيدے ميں نجات؟
کيا مسلماں کے ليے کافي نہيں اس دور ميں
يہ الہيات کے ترشے ہوئے لات و منات؟
تم اسے بيگانہ رکھو عالم کردار سے
تا بساط زندگي ميں اس کے سب مہرے ہوں مات
خير اسي ميں ہے، قيامت تک رہے مومن غلام
چھوڑ کر اوروں کي خاطر يہ جہان بے ثبات
ہے وہي شعر و تصوف اس کے حق ميں خوب تر
جو چھپا دے اس کي آنکھوں سے تماشائے حيات
ہر نفس ڈرتا ہوں اس امت کي بيداري سے ميں
ہے حقيقت جس کے ديں کي احتساب کائنات
مست رکھو ذکر و فکر صبحگاہي ميں اسے
پختہ تر کر دو مزاج خانقاہي ميں اسے

............

Transliteration

Iblees Ki Majlis-e-Shura

1936

Iblees

Ye Anasir Ka Purana Khail, Ye Dunya-e-Doon
Sakinan-e-Arsh-e-Azam Ki Tamanaon Ka Khoon!

Uss Ki Barbadi Pe Aaj Aamada Hai Woh Kaarsaaz
Jis Ne Uss Ka Nam Rakha Tha Jahan-e-Kaaf-o-Noon

Mein Ne Dikhlaya Farangi Ko Mulukiyat Ka Khawab
Mein Ne Tora Masjid-o-Dair-o-Kalisa Ka Fusoon

Mein Ne Nadaron Ko Sikhlaya Sabaq Taqdeer Ka
Mein Ne Muneim Ko Diya Sarmayadari Ka Junoon

Kon Kar Sakta Hai Uss Ki Aatish Soozan Ko Sard
Jis Ke Hungamon Mein Ho Iblees Ka Souz-e-Daroon

Jis Ki Shakhain Hon Humari Aabiyari Se Buland
Kon Kar Sakta Hai Uss Nakhl-e-Kuhan Ko Ser Nigoon!

Pehla Musheer

Iss Mein Kya Shak Hai Ke Muhkam Hai Ye Ibleesi Nizam
Pukhta Tar Iss Se Huwe Khuay Ghulami Mein Aawam

Hai Azal Se In Gharibon Ke Muqaddar Mein Sujood
In Ki Fitrat Ka Taqaza Hai Namaz-e-Be Qayam

Arzoo Awwal To Paida Ho Nahin Sakti Kahin
Ho Kahin Paida To Mer Jati Hai Ya Rehti Hai Kham

Ye Humari Saee-e-Peham Ki Karamat Hai Ke Aaj
Sufi-o-Mullah Mukuliyat Ke Bande Hain Tamam

Taba-e-Mashriq Ke Liye Mouzoon Yehi Afyoon Thi
Warna 'Qawwali' Se Kuch Kam Tar Nahin 'Ilm E Kalam'

Hai Tawaf-e-Hajj Ka Hungama Agar Baqi To Kya
Kund Ho Kar Reh Gyi Momin Ki Taeg-e-Be Nayam

Kis Ki Naumeedi Pe Hujjat Hai Ye Farman-e-Jadeed
'Hai Jihad Iss Dour Mein Mard-e-Musalman Par Haram!'

Dusra Musheer

Khair Hai Sultani Jumhoor Ka Ghogha Ke Sherr
Tu Jahan Ke Taza Fitnon Se Nahin Hai Ba-khabar!

Pehla Musheer

Hun, Magar Meri Jahan Beeni Batati Hai Mujhe
Jo Mulukiyat Ka Ek Parda Ho, Kya Uss Se Khatar!

Hum Ne Khud Shahi Ko Pehnaya Hai Jumhoori Libas
Jab Zara Aadam Huwa Hai Khud Shanas-o-Khud Nigar

Karobar-e-Sheher Yari Ki Haqiqat Aur Hai
Ye Wujood-e-Meer-o-Sultan Par Nahin Hai Munhasar

Majlis-e-Millat Ho Ya Parvaiz Ka Darbar Ho
Hai Woh Sultan, Ghair Ki Khaiti Pe Ho Jis Ki Nazar

Tu Ne Kya Dekha Nahin Maghrib Ka Jumhoori Nizam
Chehra Roshan, Androon Changaiz Se Tareek Tar!

Teesra Musheer

Rooh-e-Sultani Rahe Baqi To Phir Kya Iztarab
Hai Magar Kya Uss Yahoodi Ki Shararat Ka Jawab?

Woh Kaleem Be-Tajalli, Woh Maseeh Be-Saleeb
Neest Peghambar Wa Lekin Dar Baghal Darad Kitab

Kya Bataun Kya Hai Kafir Ki Nigah-e-Parda Souz
Mashriq-o-Maghrib Ki Qaumon Ke Liye Roz-e-Hisab

Iss Se Barh Kar Aur Kya Ho Ga Tabiat Ka Fasad
Torh Di Bandon Ne Aaqaon Ke Khaimon Ki Tanab!

Chotha Musheer

Torh Uss Ka Rumatul Kubra Ke Aewanon Mein Dekh
Aal-e-Ceaser Ko Dikhaya Hum Ne Phir Ceaser Ka Khawab

Kon Behar-e-Rome Ki Moujon Se Hai Lipta Huwa
'Gah Balad Choon Sanobar' Gah Nalad Choon Rabab

Teesra Musheer

Mein To Uss Ki Aaqabat Beeni Ka Kuch Qael Nahin
Jis Ne Afrangi Siasat Ko Kiya Yun Behijab

Panchwan Musheer
(Iblees Ko Mukhatib Kar Ke)

Ae Tere Souz-e-Nafas Se Kaar-e-Aalam Ustawar!
Tu Ne Jab Chaha, Kiya Har Pardagi Ko Ashikaar

Aab-o-Gill Teri Hararat Se Jahan-e-Souz-o-Saaz
Abla-e-Jannat Teri Taleem Se Danaye Kaar

Tujh Se Barh Kar Fitrat-e-Aadam Ka Woh Mehram Nahin
Sada Dil Bandon Mein Jo Mashoor Hai Parwardigar

Kaam Tha Jin Ka Fakat Taqdees-o-Tasbeeh-o-Tawaf
Teri Gairat Se Abad Tak Sar Nigun-o-Sharamsaar

Those whose business was confined to sanctifying, singing hymns and going round:

Garcha Hain Tere Mureed Afrang Ke Sahir Tamam
Ab Mujhe In Ki Farasat Par Nahin Hai Atibar

Ye Yahoodi Fitna Gar, Woh Rooh-e-Mazdak Ka Barooz
Har Kaba Hone Ko Hai Iss Ke Janoon Se Tar Tar

Zagh-e-Dashti Ho Raha Hai Humsar-e-Shaheen-o-Chargh
Kitni Sura’at Se Badalta Hai Mazaaj-e-Rozgar

Cha Gyi Ashufta Ho Kar Wusat-e-Aflaak Par
Jis Ko Nadani Se Hum Samajhe The Ek Musht-e-Ghubar

Fitna-e-Farda Ki Haibat Ka Ye Alam Hai Ke Aaj
Kanpte Hain Kohsar-o-Murghzar-o-Ju’ay bar

Mere Aaqa! Vo Jahan Zair-o-Zabar Hone Ko Hai
Jis Jahan Ka Hai Fakat Teri Sayadat Par Madar

Iblees (Apne Musheeron Se)

Hai Mere Dast-e-Tasarruf Mein Jahan-e-Rang O Bu
Kya Zameen, Kya Mehar O Mah, Kya Asaman-e-Tu Ba Tu

Dekh Lain Ge Apni Ankhon Se Tamasha Gharb-o-Sharak
Main Ne Jab Garma Diya Aqwam-e-Europe Ka Lahoo

Kya Imamane Siasat, Kya Kaleesa Ka Shayookh
Sub Ko Diwana Bana Sakti Hai Meri Aik Hoo

Kargah Sheesha Jo Nadan Samjhta Hai Usse
Tor Kar Dekhe To Iss Tehzeeb Ke Jam-o-Saboo!

Dast-e-Fitrat Ne Kiya Hai Jin Girebanon Ko Chaak
Mazdaki Mantaq Ki Souzan Se Nahin Hote Rafoo

Kab Dara Sakte Hain Mujh Ko Ishtaraki Koocha Gard
Ye Preshan Rozgar, Ashufta Maghz, Ashufta Mu

Hai Agar Mujh Ko Khatar Koi To Uss Ummat Se Hai
Jis Ki Khatstar Mein Hai Ab Tak Shirar-e-Arzu

Khal Khal Iss Qaum Mein Ab Tak Nazar Ate Hain Vo
Karte Hain Ashak-E-Sehargahi Se Jo Zalim Wazoo

Janta Hai, Jis Pe Roshan Batin-e-Ayyam Hai
Mazdkiat Fitna-e-Farda Nahin, Islam Hai!

Janta Hun Main Ye Ummat Hamal-e-Quran Nahin
Hai Wohi Sarmayadari Banda-e-Momin Ka Deen

Janta Hun Main Ke Mashriq Ki Andheri Raat Mein
Be Yad-e-Baiza Hai Peeran-e-Haram Ki Asteen

Asre-e-Hazir Ke Taqazaon Se Hai Lekin Ye Khof
Ho Na Jaye Ashakara Shara-e-Peghambar Kahin

Alhazar! Aaeen-e-Peghambar Se Sou Bar Alhazar
Hafiz-e-Namoos-e-Zan, Mard Azma, Mard-e-Afreen

Karta Hai Doulat Ko Har Aaludgi Se Pak Saaf

Munemon Ko Maal-o-Doulat Ka Banata Hai Ameen

Iss Se Barh Kar Aur Kya Fikar-o-Amal Ka Inqilaab
Padshahon Ki Nahin, Allah Ki Hai Ye Zameen!

Chasme Alam Se Rahe Poshida Ye Aaeen To Khoob
Ye Ghanimat Hai Ke Khud Momin Hai Mehroom-e-Yaqeen

Hai Ye Behter Elahiyat Mein Uljha Rahe
Ye Kitab Ullah Ki Taweelat Mein Uljha Rahe

Tor Dalain Jis Ki Takbeerain Talism-e-Shash Jihat
Ho Na Roshan Uss Khuda Andaish Ki Tareek Raat

Ibne Mariam Mar Gya Ya Zinda Javaid Hai
Hain Sifat-e-Zaat-e-Haq, Haq Se Judda Ya Ayn Zaat?
Ane Wale Se Maseeh-e-Nasiri Maqsood Hai

Ye Mujaddid, Jis Mein Hon Farzand-e-Mariam Ke Sifat?

Hain Kalam Ullah Ke Alfaz Hadis Ya Qadeem
Ummat Marhoom Ke Hai Kis Aqeede Mein Nijat?

Kya Musalman Ke Liye Kafi Nahin Iss Dour Mein
Ye Elahiyat Ke Tarshay Huwe Laat- O-Manaat?

Tum Isse Begana Rakho Alam-e-Kirdar Se
Ta Bisat-e-Zindagi Mein Iss Ke Sub Muhre Hon Maat

KKhair Issi Mein Hai, Qayamat Tak Rahe Momin Ghulam
Chor Kar Auron Ki Khatir Ye Jahan-e-Be-Sabat

Hai Wohi Shair-o-Tasawwuf Iss Ke Haq Mein Khoob Tar
Jo Chupa De Iss Ki Ankhon Se Tamasha-e-Hayat

Har Nafas Darta Hun Iss Ummat Ki Baidari Se Mein
Hai Haqiqat Jis Ke Deen Ki Ahtisaab-e-Kainat

Mast Rakho Zikar-o-Fikar-e-Subhgahi Mein Isse
Pukhta Tar Kar Do Mazaaj-e-Khanqahi Mein Isse

2021-02-20T07:01:39+00:00

ارمغان حجاز

(اردو)

اقبال