جوہر مرد عياں ہوتا ہے بے منت غير
غير کے ہاتھ ميں ہے جوہر عورت کي نمود

راز ہے اس کے تپ غم کا يہي نکتہ شوق
آتشيں ، لذت تخليق سے ہے اس کا وجود

کھلتے جاتے ہيں اسي آگ سے اسرار حيات
گرم اسي آگ سے ہے معرکہ بود و نبود

ميں بھي مظلومي نسواں سے ہوں غم ناک بہت
نہيں ممکن مگر اس عقدہ مشکل کي کشود

تہذيب فرنگي ہے اگر مرگ امومت
ہے حضرت انساں کے ليے اس کا ثمر موت

جس علم کي تاثير سے زن ہوتي ہے نا زن
کہتے ہيں اسي علم کو ارباب نظر موت

بيگانہ رہے ديں سے اگر مدرسہ زن
ہے عشق و محبت کے ليے علم و ہنر موت

اک زندہ حقيقت مرے سينے ميں ہے مستور
کيا سمجھے گا وہ جس کي رگوں ميں ہے لہو سرد

نے پردہ ، نہ تعليم ، نئي ہو کہ پراني
نسوانيت زن کا نگہباں ہے فقط مرد

جس قوم نے اس زندہ حقيقت کو نہ پايا
اس قوم کا خورشيد بہت جلد ہوا زرد

اس بحث کا کچھ فيصلہ ميں کر نہيں سکتا
گو خوب سمجھتا ہوں کہ يہ زہر ہے ، وہ قند

کيا فائدہ ، کچھ کہہ کے بنوں اور بھي معتوب
پہلے ہي خفا مجھ سے ہيں تہذيب کے فرزند

اس راز کو عورت کي بصيرت ہي کرے فاش
مجبور ہيں ، معذور ہيں ، مردان خرد مند

کيا چيز ہے آرائش و قيمت ميں زيادہ
آزادي نسواں کہ زمرد کا گلوبند

وجود زن سے ہے تصوير کائنات ميں رنگ
اسي کے ساز سے ہے زندگي کا سوز دروں

شرف ميں بڑھ کے ثريا سے مشت خاک اس کي
کہ ہر شرف ہے اسي درج کا در مکنوں

مکالمات فلاطوں نہ لکھ سکي ، ليکن
اسي کے شعلے سے ٹوٹا شرار افلاطوں

رسوا کيا اس دور کو جلوت کي ہوس نے
روشن ہے نگہ ، آئنہ دل ہے مکدر

بڑھ جاتا ہے جب ذوق نظر اپني حدوں سے
ہو جاتے ہيں افکار پراگندہ و ابتر

آغوش صدف جس کے نصيبوں ميں نہيں ہے
وہ قطرہ نيساں کبھي بنتا نہيں گوہر

خلوت ميں خودي ہوتي ہے خودگير ، و ليکن
خلوت نہيں اب دير و حرم ميں بھي ميسر

بہت رنگ بدلے سپہر بريں نے
خدايا يہ دنيا جہاں تھي ، وہيں ہے

تفاوت نہ ديکھا زن و شو ميں ميں نے
وہ خلوت نشيں ہے ، يہ خلوت نشيں ہے

ابھي تک ہے پردے ميں اولاد آدم
کسي کي خودي آشکارا نہيں ہے

کوئي پوچھے حکيم يورپ سے
ہند و يوناں ہيں جس کے حلقہ بگوش

کيا يہي ہے معاشرت کا کمال
مرد بے کار و زن تہي آغوش